..
7/ ( طينة عنا ) ...!
الليلة ببـداها حزن
..... الليلة بنهيها ضياع !
الليلة أولها .. مزن !
..... اللية آخرها وداع !
الليلة هذي من تعب !
..... الليلة ( لايمكن تفوت ) !
الليلة أحياني صعب !!
..... الليلة .. ماودي أموت !
الليلة معجونه بـ أرق !
...... الليلة تشبهني ظما !!
الليلة محتاجك غرق !
...... الليلة أنتي ربـ(ـــما ) !!
حزين ياملح البحر / صاحبك ... ليه ؟
.............ماشلت منّه ( بعض منّه ) .. دخيلك !
يرمي بـ حضنك ذكرياته .... وترميه !
............. ماكنه اللي كان دايم ...... يشيلك !!
كم كان يرسم في عيونك .. موانيه !!
............. وكم من مواني في عيونه ..تسيلك !
كم ليل صحّى مع جنابك ... طواريه !!
.............و كم جرح خاوى ..هفـهفاتك وليلك !!
كم من ( عهد ) خطّه ترابك وتمحيه !
.............وكم من نهاية كانت أشهى حصيلك !
كم كانت آماله تنافس .... خطاويه !!
............. وكم كان يتعب من أسى ويحبي لك !!
وهذا الخفوق اللي انا مبتلش فيه !!
............. باقي خليلك !؟ وإلا ماهو ... خليلك !!
خله معك ماعدت أنا اطيق ... طاريه !!
............. وإلا اذبحه من شان .. يكمل جميلك !!
حزين ياملح البحر / صاحبك .... ليه !!؟
............. ماشلت منّه ( كل كله ) .... دخيلك !!؟
واجهلي ماصار في هذا البحر !!
عاشق أغبي مايكون افـ هالزمان ..
حبّه له طفله
تغيظ النور ..
والبللور ..
حتى الزعفران !!
سالفة قد ٍ يسافر بالرياح !!
سالفة خد ٍ قطف منها / الـ صباح ..
وهذا كله غير .........( سالفة النحر ) !!
ذاقها مره وحسّت بالأمان !
ذاقها مّره ..
نساها ..
وانتحر ....!!!
كانت القمرا هِنا .. وأنتي هِنا !!
.......... وكانت الدمعة تجي .. كل ماتجين !!
مو سؤال إن قلت حنّا ... أيّنا !
.......... وايّنا حنّا !؟ ؟.. وحنّا ... من حنين !
قولي إن الضي هذا .... مننّا !!
.......... وإننّا عشّاق ... يا . سود السنين !!
نِزعل النّوير ... ونغيظ السنا !!
.......... لارمانا الشكّ في جوف .. اليقين !!
إلا ّ أنا منهو سوى (طينة عنا) !
.......... ونابت ٍ لي وجه ورجول .... ويدين !!
قلت أنا : منهو أنا !؟ قلتي أنا !!!
.......... قلت طيب والهوى قلتي .. حزين !
كان مثل النور ... يعني مثلنا !
.......... وانطفى ضيّه .. / وفيّه .. مايبين !
قلتي : آحبك وقال :.. الله لنا !
.......... المكان اللي كسب له .." دبلتين " !!!
كانت القمرا هِنا .. وأنتي هِنا !!
.......... وكانت الدمعة تجي .. لو ماتجين !!
حايليني !
أكذبي دايم معاي .. وصدّقيني !!
قولي " ملهوفة أجيك " ..!
ولاتجيني ..
أرحلي دايم مثل مانتي أمانه .. واسكنيني !!
قولي ملّيتي اشتياقي !!
قولي ملّيتي احتراقي .!!
قولي : ياخي ماأبيك .. !
لن أنا ماعاد ..
" أبيني " !!!!
8/ انكســــاره !!!!
إنكساره !!!
لو تبي ... قول إندثاره !!!
حزن أسود
من يمينه // من يساره
آه والمسكين قلبه
في وهم هم الزمان
ينتظر قلب ٍ يجي ياخذ بثاره
طاح حلم ٍ كان يبنيه فـ خياله
عزتي له !!!
حالته ياخوك ... حاله
لاتلومه
ضاع منه راس ماله
وش كثر يتعب..... وهو شايل فـ قلبه
ضيم أصعب
مثل طفل ٍ ... فارق امه ..
من يضمه ؟؟
من الشتات .. منهو يلمه ؟؟
من يعزي ميت ٍ في ثوب حي ..
إنزوى باقصى الظلام ..
ينتظر للنور ..... ضي
أسمعه يصرخ :
أنا من وين أمشي ..
والسهر نايم برمشي ..
مسكين
ماأقسى لحظات انكساره
كل هذا ..
وراح يبحث .. فـ الليالي
عن نهاره !!!
9/ يمه وينك ...!؟
يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمه بدري .. والله بدري ! آتهجّاها اهمومي !
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !
طفلتك ماعاشت " إحساس" الطفولة !
............. فاقده في هالزمان ... إحساسها !
شافت إن الصبح ..... ماتقدر تطوله !
............. وازفرت .. ونّه ! ورى أنفاسها !
واحضنت هالليل والورد ..... وذبوله !
............ لين مانامت ...... على كراسها !
ماستحى منها الحزن .... هاك الخجولة
............ ولاطرى يرحل ويبعد ... ياسها !
فيه شي ٍ لو قدرت إني ....... أقوله !
............ كان شفت الناس ... حبّت ناسها !
يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟
10/ حالة مذنب ....!!
تذكـر ذنبـة الغافـي .. وعثراتـه .. وزلاتــه
تلفّت مالقـى .. غيـر الظـلام .. وسكـة ٍ قفـرا
تنهـد مالقـى .. هبـة نسيـم .. تريـح سكاتـه
تعذب .. حالته حالـة عـدوك .. شينـه وقشـرا
ينادي !! من ينادي ؟؟ والظـلام يكسّـر اصواتـه
يناظر للطريق اللي .. توارى .. وينـدب الحسـرا
يعرف إن الذنوب أقسى مـن همومـه .. وأهاتـه
وعرف إن الممات أقرب .. من الأهـداب للنظـرا !
يسافر به عزا الذكرى .. على الماضـي ولعناتـه
وجع من وين .. ماسافر .. إذا سافر .. مع الذكرا !
قصر حبل الهروب اللي يشدة .. عـن ألـم ذاتـه
تعب .. من كثر ماينفض همـوم ٍ باالحشـا غبـرا
يحاول يبتعد أكثر عـن اللـي كـان .. قـد فاتـه
يحاول يطوي الصفحة ويفتـح .. صفحـة ٍ عـذرا
رجف قلبة على مـاراح مـن ذنبـة .. وميلاتـه
بكى .. ياطيب هالدمعة .. أخيراً .. طفّـت الجمـرا
11/ وآخذني بيديني
يالله نمشي !
بس ماشفتي " أحبك " وسط رمشي !!
نامي .. مثل ماينام البرد بـ ضلوعي
............. واصحي بعد مثل ماتصحى ... تناهيدي
ماكان بيدي .. تطيح لـ حزنك دموعي
............. ولاكان بيدي ..أروح .. وتتركك إيدي !
ماقلت لك لو يخاف الخوف من جوعي
............. يمديه يشبع من اللهفة ... بـ أناشيدي
ويمديه يشعل أساي ويطفي شموعي
............. ويمديه يذبح حمامة غنّت .. بـ عيدي
ياشمعة الحب لاجل الحب .. لاتموعي
............. خليني أضوي على نورك .. مواعيدي
منهو يهدّي بعد فرقاك ... من روعي
............. والحزن اشوفه نوى للناس ترديدي !
ياطفلتي جفّ بعد الوصل .. ينبوعي !
............. يزيد همّي ( كفّاني هم ).. لا تزيدي !!
هِنا تعالي ونامي بآآخر ... ضلوعي !
............. بشويش مابي تصحّي بي .. تناهيدي !
وإذا على الحزن والأشواق .. ودموعي !
............. بدفن حبيبك معاهم ..... وآخذك بيدي !
على بالي !
أجيب " الصبّح " في كفّك وأضم ّ " الليل " بـ لحالي !
12/ للحلم .. للشعر .. وأشياء أخرى !!
للحلـم ابرقـا ! دام حلمـي رقـانـي
وللمجد ابصعد سلّم الصبـر ... وارقـاه
ماهمنـي لـو قيـل : شاعـر أنـانـي
أو قالوا إن اغروره .. اليـوم .. أعمـاه
الله عطانـي .. واحمـد اللـي عطانـي
وكل ٍ يحمد اللي من الجود .... اعطـاه
لا ماكتبت الشعـر .. قصـدي الغوانـي
لا ماكتبته .. قصدي المال .... والجاه !
ولاجيـت ادور للحقيقـه .... معانـي
جيت اكتم بصمتي ... سخافات الافـواه
وإلا عليه اليوم ! .. مـا الله حدانـي
هو ابتلاني لين ماصرت ...... بلـواه !
حشّمت راسه عن حديـث ... الطمانـي
وعزيت شانه يوم غيـري .... تبـلاّاااه
مرات احس الشعـر .. غلطـة زمانـي
وإن غاب لجّت هالحنايا ... تبي مـاه !
لولاه قلّي ويـن ..... ابلقـى الأمانـي
بالله .. قلّي .. ويش أنا اليوم لولاااه !؟
بي جرح .. لامنه برانـي ... برانـي
يحطب أمل صبري .. من اقصاه لاقصـاه
وشلون ابلقى للسعـاده ...... موانـي ؟
وانا مثل م تشوف .. مخلوق .. لـلآآآآه
الموت وينه ؟ ليت موتي ... خذانـي
تعبت انا اسأل .. وين هالوقت ... وداه !
تعال فتّش عن سجيـن .... المحانـي
واليا لقيته ذكّره بس ............. بالله !
إني عطيته .. دمعتينـي ../.. حنانـي
واني وهبته ... من جنوني .... معانـاه
وقله مدامـه راح عنـي ... ونسانـي
مثله بسوي ! ... ببتعد عنه ... وانساه
وخله يعد اليـا رحلـت ..... الثوانـي
وخلّه يموّل صح .. لاغبت / .. ويلاااه !
واذا يبي موتـي .... دخيلـك ترانـي
مثله أبيه ! ... وعلّني بس ... ألقـاه !
وقلّه غديت اليـوم .. إنسـان ثانـي
شاعر جريح ... وكل هالناس ... تقـراه
وما كل شخص ٍ .. لاقراني .. قرانـي
ولاكل حلم ٍ مرني ..... أطلب رضـاه !
ولاجيـت ادور للحقيقـه ... معانـي
جيت اكتم بصمتي ... سخافات الافواه !
يُــــــتبَع..
العادي جداً.. بركات الشمري..
رد: العادي جداً.. بركات الشمري..
العرض العادي
